ZP Election : जिल्हा परिषद निवडणुकीच्या तारखांवरचा सस्पेन्स अखेर संपणार? राज्यातील चर्चेला उधाण आणणारी नवी आणि मोठी अपडेट समोर!

by Webdesk
18 Nov 2025

Source: News 18 Marathi

मुंबई : महाराष्ट्रात स्थानिक स्वराज्य संस्थांच्या निवडणुकांची लगबग जोरात सुरू झाली आहे. राज्यभर नगर परिषद आणि नगर पंचायतींच्या निवडणुकीचे उमेदवारी अर्ज दाखल होऊन झाले असून आता प्रत्यक्ष प्रचाराचा धुरळा उडायला काहीच वेळ उरला नाही. प्रत्येक पक्ष आपल्या ताकदीची चाचपणी करत असतानाच, या पहिल्या फेरीच्या निवडणुकांनंतर आता सर्वांचे लक्ष स्वाभाविकपणे जिल्हा परिषद आणि पंचायत समितीच्या निवडणुका कधी जाहीर होणार याकडे खिळले आहे. ग्रामीण भागातील सर्वात प्रभावी मानल्या जाणाऱ्या या निवडणुकांच्या तारखांसंदर्भात मोठी हालचाल सुरू असल्याचे संकेत मिळत आहेत.

दरम्यान, महसूल विभागात प्रशासनिक पातळीवर मोठे फेरबदल करण्यात आले आहेत. राज्य शासनाने ११२ तहसीलदारांना उपजिल्हाधिकारी पदावर पदोन्नती देण्याचा महत्त्वपूर्ण निर्णय घेतला आहे. या अधिकाऱ्यांची बदली आदेशानुसार नियुक्ती होत असून, पुढील आठ ते दहा दिवसांच्या आत ते आपापल्या नवीन पदस्थापना स्थळी कार्यभार स्वीकारतील अशी माहिती मिळत आहे. त्यांच्या रुजू होण्याचा दररोजचा अहवाल विभागीय आयुक्त कार्यालयाकडून मागविण्यात येत असून ही संपूर्ण प्रक्रिया पूर्ण झाल्यानंतरच जिल्हा परिषद निवडणुकीच्या तारखांसंदर्भात अधिकृत घोषणा करण्याची शक्यता प्रशासनातील वर्तुळात व्यक्त होत आहे.

सध्या राज्यातील काही स्थानिक स्वराज्य संस्थांच्या निवडणुका जाहीर झाल्या असल्या तरी, जिल्हा परिषद आणि पंचायत समित्यांसाठी आवश्यक असलेली उपजिल्हाधिकारी स्तरावरील निवडणूक निर्णय अधिकारी (ERO) पदे मोठ्या प्रमाणावर रिक्त होती. निवडणूक आयोगाने या रिक्त पदांमुळे निवडणूक प्रक्रिया अडथळ्यात येत असल्याचे सरकारला कळवले होते. आयोगाने शासनाकडे हे पदभरतीचे काम तातडीने पूर्ण करण्याची मागणी केली होती. आयोगाच्या या मागणीनंतर महसूल आणि वन विभागाने ७ नोव्हेंबर रोजी ११२ तहसीलदारांच्या पदोन्नतीची अधिसूचना जाहीर करत रिक्त पदे मोठ्या प्रमाणात भरून काढण्याचे काम पूर्ण केले.

या निर्णयामुळे निवडणूक आयोगाच्या पातळीवरील अडथळे मोठ्या प्रमाणात दूर झाले असले तरी, सर्व उपजिल्हाधिकारी पदोन्नत अधिकारी आपल्या नवीन कामकाजाच्या ठिकाणी रूजू होत नाहीत तोपर्यंत निवडणूकांची दुसरी फेरी जाहीर करता येणार नाही, असे वरिष्ठ अधिकाऱ्यांनी स्पष्ट केले होते. त्यामुळे ही प्रक्रिया पूर्ण होण्यासाठी काही दिवसांची प्रतीक्षा करावी लागणार आहे.

राज्यातील स्थानिक स्वराज्य संस्थांच्या निवडणुकांची गती वाढण्याची चिन्हे आता अधिक स्पष्ट होत आहेत. नगर पंचायत आणि नगर परिषद निवडणुकांचे निकाल ३ डिसेंबर रोजी जाहीर होणार आहेत. या पहिल्या टप्प्याचा धुरळा शांत झाला की जिल्हा परिषद निवडणुकांकडे शासन आणि निवडणूक आयोगाचे लक्ष वळणार आहे. राज्यातील ३२ जिल्हा परिषद आणि तब्बल ३३१ पंचायत समित्यांच्या निवडणुकांसाठी अनेक महिन्यांपासून ग्रामीण भागात वातावरण तापले आहे.

विश्वसनीय सूत्रांच्या माहितीनुसार, ५ डिसेंबरपासून जिल्हा परिषद निवडणुकांचा बिगुल वाजण्याची दाट शक्यता आहे. तारीख जाहीर झाल्यानंतर लगेचच मतदान कार्यक्रम, मतदार यादींची अंतिम छपाई, आरक्षणाच्या अंमलबजावणीसंबंधी सर्व प्रक्रिया आणि नामांकनाचे वेळापत्रक या सर्व गोष्टी सुरू होणार आहेत. ग्रामीण भागातील राजकीय हलचाली मागील काही आठवड्यांपासून वाढल्या आहेत. कार्यकर्ते आपापल्या प्रभागांमध्ये सक्रिय होत असून संभाव्य उमेदवारांनी स्थानिक समाजबांधव आणि गट-तटांना भेटिण्याचा कार्यक्रम सुरू केला आहे.

निवडणूक आयोगाने जिल्हा परिषद निवडणुकांना गती देण्यासाठी आवश्यक ते सर्व टप्पे जलदगतीने पार पाडण्याचे संकेत दिले आहेत. नवा प्रशासनिक बदल आणि ERO पदांची भरती पूर्ण झाल्यानंतर आता दीर्घकाळापासून प्रलंबित असलेल्या ग्रामीण निवडणुकांना चालना मिळणार असल्याचे स्पष्ट होत आहे.

राज्याच्या ग्रामीण विकासाच्या दृष्टीने जिल्हा परिषद निवडणुका अत्यंत महत्त्वाच्या मानल्या जातात. त्यामुळे या निवडणुकांतील राजकीय समीकरणे, आघाड्यांची गणिते, आरक्षण रचना आणि स्थानिक पातळीवरील जातीय-सामाजिक ऐक्याचे समिकरण या सर्व बाबींवर संपूर्ण राज्याचे लक्ष लागून राहणार आहे.

Image Courtesy:

02 Jan 2026

BMC Elections

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates