Zilla Parishad Election Update: तुमच्या जिल्ह्यात मतदान होणार की पुढे ढकललं जाणार? या जिल्हा परिषद आणि पंचायत समित्यांबाबत मोठी बातमी समोर आली!

स्थानिक स्वराज्य संस्थांच्या निवडणुकांसाठी आयोगाने सुरुवातीला तीन टप्प्यांत मतदानाची आखणी केली होती. पहिल्या टप्प्यात नगर परिषद आणि नगर पालिकांच्या निवडणुका पार पडल्या. दुसऱ्या टप्प्यात ३२ जिल्हा परिषद आणि त्यासोबतच्या पंचायत समित्या, तर तिसऱ्या टप्प्यात राज्यातील २९ महापालिकांच्या निवडणुका घेण्याचा आराखडा तयार करण्यात आला होता. मात्र, ओबीसी आरक्षण २७ टक्के करण्याच्या निर्णयावर आक्षेप घेतला गेल्यानंतर हा मुद्दा थेट सर्वोच्च न्यायालयात पोहोचला. त्यामुळे संपूर्ण नियोजनात बदल करण्याची वेळ आयोगावर आली. न्यायालयाने निवडणुका ५० टक्के आरक्षण मर्यादेतच घेण्याचे ठाम निर्देश दिल्याने आयोगाने अधिक सावध भूमिका घेण्यास सुरुवात केली.