शिंदे गटात खदखद! मित्रपक्षांकडूनच पाय ओढले जातायत? अॅक्शन मोडमध्ये एकनाथ शिंदे, जिल्हाप्रमुखांवर दबाव वाढला! बैठकीत काय घडलं?

मुंबई : राज्यातील आगामी महापालिका आणि स्थानिक स्वराज्य संस्थांच्या निवडणुकांचे ढोल वाजू लागल्याने सर्वच राजकीय पक्षांनी रणनिती आखण्यास सुरुवात केली आहे. मात्र, महायुतीच्या घरातही सर्व काही सुरळीत नसल्याचे चित्र आता स्पष्टपणे समोर येत आहे. मित्रपक्षांकडूनच अडथळे उभे केल्याची भावना शिंदे गटात निर्माण झाली असून, त्यामुळे पक्षात अंतर्गत अस्वस्थता वाढली आहे. या पार्श्वभूमीवर आता उपमुख्यमंत्री एकनाथ शिंदे यांनी स्वतः पुढाकार घेत शिंदे गटाला पुन्हा संघटित आणि सक्रिय करण्यासाठी आक्रमक पवित्रा घेतला आहे.