उद्धव–राज ठाकरे भेटीची चर्चा जोरात! जागा वाटपात अडथळे वाढले? मुंबई महापालिका निवडणुकीआधी शिवतीर्थावर मोठी बैठक?

सध्या शिवसेना (UBT) आणि मनसेमध्ये मुंबई महानगरपालिकेतील 227 जागांवर वाटाघाटी सुरू आहेत. मनसेला काही महत्त्वाच्या जागांवर दावा हवा असल्याचे सांगितले जात आहे. याआधी दोन्ही पक्षातील प्रमुख नेत्यांमध्ये एक फेरीची बैठकही घेतली गेली. मात्र काही जागांवर दोन्ही बाजूंनी ठाम भूमिका घेतल्यामुळे मतभेद सतहवर आले. परिणामी, बैठकीत कोणताही ठोस मार्ग निघू शकला नाही. हेच ताणलेले मुद्दे सोडवण्यासाठी उद्धव ठाकरे स्वतःच राज ठाकरे यांच्या भेटीसाठी शिवतीर्थावर दाखल झाल्याची माहिती सूत्रांकडून दिली जात आहे. सूत्रांच्या म्हणण्यानुसार, दोन्ही पक्षांमध्ये सध्या सुमारे 75 जागांवर खलबतं सुरू असून, दोन्ही बाजूंनी समाधानकारक तोडगा काढण्यासाठी प्रयत्न सुरू आहेत.