Supreme Court On Local Body Polls : निवडणूक आयोगावर ताण वाढला! सर्वोच्च न्यायालयाने तीन महत्त्वाच्या तारखा स्पष्ट केल्या — आजच्या सुनावणीत नेमकं काय घडलं?

नवी दिल्ली: महाराष्ट्रातील स्थानिक स्वराज्य संस्थांच्या निवडणूक प्रक्रियेत यावर्षी अपूर्व गोंधळ आणि गतीमान घडामोडी पाहायला मिळत आहेत. अनेक वर्षांनंतर स्थानिक स्वराज्य पातळीवरील मोठ्या प्रमाणातील निवडणुका होत असताना तांत्रिक, कायदेशीर आणि नियोजनाशी संबंधित विविध अडथळे आडवे येत आहेत. काही नगर पालिका व नगर परिषदांच्या निवडणुका विविध कारणांनी पुढे ढकलण्यात आल्या होत्या. त्यात भर म्हणून ३ डिसेंबर रोजी होणारी मतमोजणी देखील पुढे ढकलावी लागली. नागपूर खंडपीठाने सर्व नगर परिषद आणि नगर पालिका निवडणुकांची मतमोजणी एकत्रितपणे २१ डिसेंबर रोजी करण्याचे आदेश पारित केले. या निर्णयाला अनेक उमेदवार आणि पक्षांनी विरोध दर्शवून हा आदेश सर्वोच्च न्यायालयात आव्हान दिला. आज झालेल्या सुनावणीत सुप्रीम कोर्टाने यावर महत्त्वपूर्ण निर्णय दिला आहे.