Supreme Court on Local Body Election : निवडणूक आयोगावर दबाव वाढला! सुप्रीम कोर्टाच्या आदेशात तीन महत्त्वाच्या तारखांचा उल्लेख – माहितीय काय निर्णय?

नवी दिल्ली : महाराष्ट्रातील स्थानिक स्वराज्य संस्थांच्या निवडणुकांमध्ये यंदा अभूतपूर्व गोंधळ आणि अनिश्चितता पाहायला मिळत आहे. अनेक वर्षांच्या प्रतीक्षेनंतर स्थानिक स्वराज्य संस्थांच्या मोठ्या प्रमाणावरील निवडणुका होत असताना, विविध कारणांमुळे संपूर्ण प्रक्रिया विवाद आणि अडचणींनी भरलेली असल्याचे चित्र निर्माण झाले आहे. काही नगर परिषद आणि नगरपालिकांच्या निवडणुका दुबार मतदार, आरक्षणातील अडथळे आणि कायदेशीर वादांमुळे आधीच पुढे ढकलण्यात आल्या होत्या. यामध्ये भर म्हणजे ३ डिसेंबर रोजी अपेक्षित असलेली मतमोजणीही स्थगित करण्यात आली आणि यामुळे उमेदवारांमध्ये मोठ्या प्रमाणात नाराजी वाढली.