धक्कादायक अपडेट! भाजपाने शिवसेना ठाकरे गटाला दिला तुफान झटका, राजकीय गणिताचाच चेहरामोहरा बदलला…

by Webdesk
01 Dec 2025

राज्यातील स्थानिक स्वराज्य संस्थांच्या निवडणुकांच्या तारखा अखेर राज्य निवडणूक आयोगाने जाहीर केल्या असून उद्या नगरपरिषद आणि नगरपंचायत निवडणुकांसाठी मतदान पार पडणार आहे. या वेळी राज्यभरात कुठेही महायुती किंवा महाविकास आघाडी या स्वरूपात निवडणूक लढवण्यात आलेली नाही. प्रत्येक तालुका आणि शहरातील राजकीय परिस्थिती, स्थानिक समीकरणे आणि हितसंबंध लक्षात घेत पक्षांनी स्वतंत्र निर्णय घेतले. अनेक ठिकाणी अपक्ष, संघटना आणि लहान गटांनीही आघाड्या, युती आणि समन्वय केले. त्यामुळे उद्याचे मतदान अत्यंत उत्सुकतेचे आणि चुरशीचे ठरण्याची शक्यता आहे.

विशेषतः बदलापूर नगरपरिषद निवडणुकीकडे राज्याचे लक्ष वेधले गेले आहे. गेल्या काही दिवसांपासून बदलापूरची निवडणूक चर्चेचा केंद्रबिंदू ठरली आहे. प्रचाराच्या शेवटच्या टप्प्यात ज्या वेगाने राजकीय घडामोडी घडल्या, त्याने निवडणुकीचे स्वरूपच बदलले आहे. याच निवडणुकीत तिसऱ्या आघाड्याच्या भूमिकेने महत्त्वाचे वळण घेतले असून महाविकास आघाडीला मोठा धक्का बसल्याचे चित्र निर्माण झाले आहे. या तिसऱ्या आघाडीतील पाच उमेदवारांनी अचानक भाजपाला पाठिंबा जाहीर केल्याने राजकीय वातावरण हादरले आहे.

कुळगाव–बदलापूर नगरपालिकेच्या क्षेत्रात शिवसेना (उद्धव ठाकरे) गटाच्या मशाल चिन्हावर निवडणूक लढवत असलेल्या तिसरी आघाडी या संघटनेच्या सात उमेदवारांपैकी पाच उमेदवारांनी बाजू बदलून भाजपाच्या पाठीशी उभे राहण्याचा निर्णय घेतला आहे. या संघटनेने सुरुवातीपासून महाविकास आघाडीचा पाठींबा जाहीर केला होता आणि संघटनेकडे स्वतंत्र चिन्ह नसल्याने त्यांनी ठाकरे गटाच्या मशाल चिन्हावर उमेदवारी भरली होती. मात्र, मतदानाला हाताच्या बोटावर दिवस उरलेले असताना कविता सकट, वैभव सदाफुले, मंगेश इंगळे, रुपेश साळवी आणि प्रफुल कांबळे यांनी भाजपाला पाठिंबा देण्याची घोषणा केली आणि त्यानंतर संपूर्ण राजकीय समीकरणे बदलली.

याबाबत बोलताना उद्धव बाळासाहेब ठाकरे पक्षाचे शहर अध्यक्ष किशोर पाटील यांनी स्पष्ट केले की या पाचही उमेदवारांचा संबंध शिवसेना (ठाकरे) पक्षाशी नसून ते स्वतंत्र तिसऱ्या आघाडीतले असल्यामुळे त्यांना तात्पुरते मशाल चिन्ह देण्यात आले होते. त्यामुळे या पाच उमेदवारांना महाविकास आघाडीचे मतदार मतदान करू नये, असे आवाहनही त्यांनी जोरदार शब्दांत केले. याचबरोबर "यांना आता उद्धव बाळासाहेब ठाकरे पक्षाच्या स्टाईलमध्ये उत्तर देण्यात येईल" असा सूचक इशाराही पाटील यांनी दिला.

मतदानास अवघे काही तास बाकी असताना घडलेल्या या घटनांनी बदलापूरसह राज्यातील संपूर्ण राजकीय वातावरण तापले आहे. सर्वच राजकीय पक्षांनी आपापली पूर्ण ताकद झोकून दिली असून प्रचार, सभां, घराघरातील संपर्क मोहीम आणि सोशल मीडियावरूनही जोरदार रंगतदार लढत सुरू आहे. आरोप–प्रत्यारोपांच्या फैरी, पक्षांतरांच्या हालचाली, समर्थन–विरोधनाच्या घोषणा, तक्रारी आणि निवडणूक रणनिती यामुळे स्थानिक राजकारणाचा थरार उच्चांक गाठताना दिसत आहे.

या निवडणुकीत कोणता पक्ष, कोणती आघाडी किंवा कोणती रणनीती लोकांना अधिक भावते हे मतपेट्यांमधील निकाल ठरवतील. मतदारांमध्ये चांगली उत्सुकता निर्माण झाली असून कोणाचे वर्चस्व टिकते किंवा बदलते याकडे राज्यातील राजकीय निरीक्षकांचे लक्ष केंद्रीत झाले आहे. बदलापूर नगरपरिषदेचा निकाल विशेषतः राजकीय दिशादर्शक ठरेल, अशी चर्चा देखील रंगली आहे.

२ डिसेंबर २०२५ रोजी मतदान होणार असून ३ डिसेंबर २०२५ रोजी मतमोजणी होईल. या निकालानंतर राज्यातील आगामी टप्प्यांच्या निवडणुकांवर मोठा परिणाम होण्याची शक्यता राजकीय वर्तुळात व्यक्त केली जात आहे. त्यामुळे उद्याच्या मतदानाकडे केवळ बदलापूर नव्हे, तर संपूर्ण महाराष्ट्राचे लक्ष लागले आहे.

Image Courtesy:

02 Jan 2026

BMC Elections

धक्कादायक अपडेट! भाजपाने शिवसेना ठाकरे गटाला दिला तुफान झटका, राजकीय गणिताचाच चेहरामोहरा बदलला…

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates