निवडणुकीआधी शिंदेंचा मोठा डाव! ठाण्यातून नवी योजना सुरू, राज्यभर विस्तार लवकरच…

by Webdesk
18 Aug 2025

ठाण्यातून ‘लाडकी सून योजना’चा शुभारंभ; महिलांच्या सन्मानासाठी शिंदेंची नवी चाल

ठाणे: विधानसभा निवडणुकीदरम्यान ‘लाडकी बहीण योजना’ने महिलांमध्ये मोठा प्रतिसाद मिळवत शिवसेना शिंदे गटाला प्रचंड फायदा करून दिला होता. या योजनेला महिलांचा पाठिंबा मिळाल्याने ती एकप्रकारे ‘गेम चेंजर’ ठरली होती. आता त्याच धर्तीवर, आगामी महापालिका तसेच स्थानिक स्वराज्य संस्थांच्या निवडणुकीच्या पार्श्वभूमीवर उपमुख्यमंत्री व शिवसेना शिंदे गटाचे मुख्य नेते एकनाथ शिंदे यांनी आणखी एक उपक्रम सुरू केला आहे. हा उपक्रम म्हणजेच ‘लाडकी सून योजना’. रविवारी ठाण्यात शिंदे यांच्या हस्ते या योजनेचा औपचारिक शुभारंभ करण्यात आला.

ही योजना विशेषत: महिलांसाठी असून, घरगुती अत्याचार, अन्याय, कौटुंबिक तणाव किंवा शारीरिक-मानसिक त्रास सहन करावा लागणाऱ्या सुनांना तातडीने मदत मिळावी यासाठी ही मोहीम राज्यभर राबवण्यात येणार आहे. ‘लाडकी बहीण’नंतर आता ‘लाडकी सून’ हा उपक्रम महिलांच्या आयुष्यातील आणखी एका महत्वाच्या नात्यावर लक्ष केंद्रित करणार आहे.

योजनेंतर्गत काय मिळणार?

या योजनेच्या माध्यमातून कोणत्याही सुनांना जर अत्याचार, छळ किंवा अन्यायाला सामोरे जावे लागले, तर त्या थेट संपर्क साधू शकतील असा स्वतंत्र हेल्पलाइन नंबर सुरू करण्यात आला आहे. या क्रमांकावर संपर्क साधताच संबंधित महिलांना मदत मिळवून देण्यासाठी स्थानिक पातळीवर तातडीने कार्यवाही केली जाणार आहे. प्रत्येक प्रभागात व प्रत्येक शाखा कार्यालयातून या सुनांसाठी मदतीची व्यवस्था असेल. शाखा पदाधिकारी त्यांच्या समस्यांवर मार्गदर्शन व सहकार्य करतील.

उपमुख्यमंत्री शिंदे यांनी उद्घाटनावेळी सांगितले, “लाडक्या सुनांच्या प्रश्नांना योग्य न्याय देण्याबरोबरच लाडक्या सासूंनाही सन्मान मिळावा, हे आमचे प्राधान्य आहे. कौटुंबिक नातेसंबंध जपून महिलांच्या सन्मानात भर घालणे हा या योजनेचा मुख्य उद्देश आहे.”

मीनाक्षी शिंदेंकडे जबाबदारी

राज्यभर या योजनेची अंमलबजावणी सुयोग्य रीतीने होण्यासाठी ठाण्याच्या माजी महापौर मीनाक्षी शिंदे यांच्याकडे या मोहिमेची जबाबदारी सोपवण्यात आली आहे. त्या महिलांच्या प्रश्नांवर सातत्याने काम करतात. त्यामुळे या उपक्रमाचा प्रभावी परिणाम दिसून येईल, अशी अपेक्षा व्यक्त केली जात आहे. तसेच या योजनेसाठी विशेष पथके स्थापन करण्याचाही निर्णय घेण्यात आला आहे.

महिलांच्या हक्कांसाठी शिंदेंची नवी दिशा

‘लाडकी सून योजना’ केवळ सुनांच्या हक्कांचे संरक्षण करणार नाही, तर घरातील नाजूक नाती जपण्याचे कामही करणार आहे. अनेकदा घरगुती वादांमुळे सासू-सून नाते तणावग्रस्त बनते. या योजनेमुळे कौटुंबिक वाद टाळून परस्पर नात्याला नवी दिशा मिळेल, अशी अपेक्षा आहे. सुनांना न्याय मिळाल्यास सासूंनाही आपोआपच योग्य मान-सन्मान मिळेल, असे शिंदे यांनी स्पष्ट केले.

ठाण्यातून राज्यभर विस्तार

ठाण्यातील शुभारंभानंतर ही योजना लवकरच महाराष्ट्रातील सर्व जिल्ह्यांमध्ये सुरू केली जाणार आहे. स्थानिक शाखांमार्फत सुनांना आवश्यक मदत, मार्गदर्शन आणि संरक्षण देण्याचा या मोहिमेचा संकल्प आहे. महिलांच्या सन्मानाचा प्रश्न केवळ कागदोपत्री न राहता तो प्रत्यक्ष कृतीत उतरावा, हीच या उपक्रमामागची भूमिका आहे.

राजकीय दृष्टिकोन

‘लाडकी बहीण’ योजनेने विधानसभा निवडणुकीत महिलांचा मोठा पाठिंबा खेचला होता. त्याच धर्तीवर आता ‘लाडकी सून योजना’ही आगामी महापालिका निवडणुकांमध्ये निर्णायक ठरेल, अशी राजकीय चर्चा रंगू लागली आहे. महिलांचे प्रश्न सोडवण्याबरोबरच त्यांचा सन्मान वाढवण्याची प्रतिमा शिंदेंनी उभी करण्याचा हा प्रयत्न मानला जात आहे.

Image Courtesy:

02 Jan 2026

BMC Elections

निवडणुकीआधी शिंदेंचा मोठा डाव! ठाण्यातून नवी योजना सुरू, राज्यभर विस्तार लवकरच…

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates