"राज यांचं समर्थन अधांतरी, पक्षात गळती कायम! उद्धव ठाकरेंचा थेट मैदानात शिरकाव – पुढचा डाव काय?"

by Webdesk
04 Aug 2025

मुंबई : आगामी स्थानिक स्वराज्य संस्थांच्या निवडणुकांचा शंखनाद काही महिन्यांत होण्याची शक्यता असून, विशेषतः मुंबई महापालिका निवडणुकीच्या पार्श्वभूमीवर राज्यात जोरदार राजकीय हालचाली सुरू झाल्या आहेत. ठाकरे गटावर दबाव निर्माण करण्यासाठी भाजप आणि शिवसेना (शिंदे गट)ने मोर्चा उघडला आहे. उद्धव ठाकरे यांची शहरातील राजकीय पकड ढासळल्याचं चित्र उभं करण्याचा प्रयत्न सुरु असून, दुसरीकडे राज ठाकरे यांच्याशी युतीची शक्यता असतानाही ठाकरे गटातून पदाधिकारी आणि कार्यकर्ते बाहेर पडत आहेत.

उद्धव ठाकरे थेट मैदानात शिरकाव...

पक्षात गळती थांबवण्यासाठी उद्धव ठाकरे आता स्वतः मैदानात उतरण्याचा निर्णय घेतला आहे. सध्याच्या राजकीय घडामोडींना उत्तर म्हणून त्यांनी डॅमेज कंट्रोल मोहीम सुरू केली असून कार्यकर्त्यांशी थेट संवाद साधण्यावर भर दिला आहे.

शिवसेना (शिंदे गट) हे उद्धव ठाकरे गटाचे माजी नगरसेवक आपल्याकडे खेचण्यासाठी युद्धपातळीवर प्रयत्न करत आहे. दुसरीकडे ठाकरे गटानेही महापालिका रणसंग्रामासाठी रणनीती आखण्यास सुरुवात केली आहे. गणेशोत्सवानंतर महापालिका निवडणुका घोषित होण्याची शक्यता असल्याने आताच मोर्चेबांधणी सुरू झाली आहे. राज ठाकरे आणि उद्धव ठाकरे यांच्या युतीबाबत चर्चा असतानाही ठाकरे गटातील आऊटगोईंग थांबलेलं नाही. काही काळ शांत झालेलं शिंदे गटातलं इनकमिंग पुन्हा एकदा सुरू झालं आहे.

ठाकरे गटात सततची गळती ही चिंतेची बाब बनली आहे. माजी नगरसेवक थेट मुख्यमंत्री एकनाथ शिंदे यांच्या शिवसेनेत प्रवेश करत आहेत, ज्यामुळे ठाकरे गटात अस्वस्थता वाढली आहे. या परिस्थितीला सामोरे जाण्यासाठी उद्धव ठाकरे आता पक्षाचं नेतृत्व स्वतः हाती घेत आहेत. नुकताच सायन प्रतीक्षा नगरचे माजी नगरसेवक रामदास कांबळे यांनी शिंदे गटात प्रवेश केला. या घडामोडीनंतर उद्धव ठाकरे यांनी स्थानिक शाखेतील शिवसैनिकांना थेट फोन करून संवाद साधत त्यांचे मनोबल उंचावण्याचा प्रयत्न केला.

पक्षातील सूत्रांनी दिलेल्या माहितीनुसार, ज्या वॉर्डांमधून माजी नगरसेवक बाहेर गेले आहेत, त्या ठिकाणच्या उर्वरित कार्यकर्त्यांशी उद्धव ठाकरे थेट संवाद साधणार आहेत. यासाठी विभागनिहाय बैठका घेण्यात येणार असून, संघटना बळकट करण्यावर भर दिला जाणार आहे. फुटीनंतरही बहुसंख्य शिवसैनिक मातोश्रीशी निष्ठावान राहिले होते, हे लक्षात घेऊन उद्धव ठाकरे त्यांच्याच पाठिंब्याने आगामी निवडणुकीसाठी तयार होत आहेत.

शिंदे गटाकडे आतापर्यंत किती माजी नगरसेवक?

दरम्यान, एकनाथ शिंदे यांनी शिवसेनेत फूट पडल्यानंतर मुंबईवर लक्ष केंद्रीत केलं. त्यांनी काही आमदारांच्या मदतीने बंड पुकारल्यानंतर नगरसेवकांना आपल्या गटात सामील करून घेण्यावर भर दिला. आतापर्यंत ठाकरे गटाचे 45 माजी नगरसेवक शिंदे गटात सामील झाले आहेत. हे सर्व नगरसेवक मागील कार्यकाळातील आहेत. शिवाय भाजप वगळता इतर पक्षांतूनही सुमारे 125 माजी नगरसेवकांनी शिंदे गटाचा झेंडा हाती घेतला आहे. या सर्व पार्श्वभूमीवर उद्धव ठाकरे यांच्यासमोर मोठं आव्हान आहे. पक्षातली गळती थांबवणे, कार्यकर्त्यांचं मनोबल वाढवणे आणि मुंबईतील बालेकिल्ला पुन्हा आपल्या नियंत्रणात आणणे—या सगळ्यांवर त्यांना एकाच वेळी लक्ष केंद्रित करावं लागणार आहे.

Image Courtesy:

02 Jan 2026

BMC Elections

"राज यांचं समर्थन अधांतरी, पक्षात गळती कायम! उद्धव ठाकरेंचा थेट मैदानात शिरकाव – पुढचा डाव काय?"

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates