राज ठाकरेंचा इशारा : ‘त्रुटी दुरुस्त करा, नाहीतर निवडणुका थांबवा!’ निवडणूक बैठकीत ठणकावलं मत

उद्धव ठाकरे यांनी आपल्या भाषणात आयोगाच्या जबाबदारीवरच प्रश्नचिन्ह उपस्थित केले. “चोक्कलिंगम म्हणतात काही जबाबदारी आमच्याकडे नाही, तर राज्य निवडणूक आयोग म्हणतो आमच्याकडे नाही, मग शेवटी या तक्रारींसाठी आम्ही कोणाकडे जावे?” असा सवाल त्यांनी केला. “जर चुका सुधारायच्याच नाहीत, तर थेट ‘इलेक्शन फॉर सिलेक्शन’ करून टाका,” असा संतप्त इशारा उद्धव ठाकरे यांनी दिला.

 

यानंतर राज ठाकरे यांनीदेखील तितक्याच तीव्र शब्दांत भूमिका मांडली. “राजकीय पक्ष निवडणुका लढवतात, मग त्यांना शेवटची मतदार यादी दाखवली जात नाही, हे कसले लोकशाहीत बसणारे आहे?” असा प्रश्न त्यांनी विचारला. “मतदार नोंदणी थांबवून लपवाछपवी का केली जाते? जोपर्यंत सर्व पक्षांमध्ये एकमत होत नाही, तोपर्यंत निवडणुका घेऊ नका,” असा ठाम इशारा त्यांनी दिला. तसेच, “सत्ताधारी तिन्ही पक्षांसाठी तुम्ही काम करत नाही आहात, पण आयोगाने तटस्थ भूमिका राखावी. आम्ही सर्वांसाठी एकच आयोग अपेक्षित करतो,” अशी थेट सूचना राज ठाकरेंनी दिली.