महानगरपालिका निवडणूक : काँग्रेसची पहिली उमेदवारी यादी जाहीर, ४८ जणांना तिकीट; संपूर्ण यादी वाचा

by Webdesk
27 Dec 2025

आगामी महानगरपालिका निवडणुकीच्या पार्श्वभूमीवर काँग्रेस पक्षाने आपली पहिली उमेदवारी यादी जाहीर करत निवडणूक रणधुमाळीला सुरुवात केली आहे. शुक्रवारी रात्री उशिरा कोल्हापूर महानगरपालिकेसाठी काँग्रेसकडून ४८ उमेदवारांची यादी जाहीर करण्यात आली. राज्यभरात होणाऱ्या महानगरपालिका निवडणुकांसाठी काँग्रेसने प्रसिद्ध केलेली ही पहिलीच अधिकृत यादी असल्याने राजकीय वर्तुळात या घोषणेकडे विशेष लक्ष लागले आहे.

ही उमेदवारी यादी महाराष्ट्र प्रदेश काँग्रेस कमिटीच्या राज्य निवड मंडळाच्या बैठकीनंतर जाहीर करण्यात आली. ही बैठक प्रदेशाध्यक्ष हर्षवर्धन सकपाळ यांच्या अध्यक्षतेखाली पार पडली. या बैठकीस खासदार शाहूजी छत्रपती महाराज, विधानपरिषदेतील काँग्रेस गटनेते तसेच कोल्हापूरचे जिल्हाध्यक्ष सतेज पाटील उपस्थित होते. त्यांच्या सूचनांनुसार तसेच आमदार जयंत आसगांवकर, माजी आमदार मालोजीराजे छत्रपती आणि माजी आमदार ऋतुराज पाटील यांच्या मार्गदर्शनाखाली काँग्रेसने कोल्हापूर महानगरपालिकेसाठी ४८ उमेदवारांच्या नावांवर अंतिम शिक्कामोर्तब केले.

या यादीत विविध प्रभागांमधून सर्वसाधारण, अनुसूचित जाती, नागरिकांचा मागास प्रवर्ग तसेच महिला आरक्षणांतर्गत उमेदवारांना संधी देण्यात आली आहे. सामाजिक समतोल आणि स्थानिक नेतृत्व यांचा विचार करून ही यादी तयार करण्यात आल्याचे काँग्रेस नेत्यांकडून सांगण्यात आले आहे.

कोल्हापूर महानगरपालिकेतील प्रभाग क्रमांक २ मधून नागरिकांचा मागास प्रवर्ग महिला आरक्षणात आरती दिपक शेळके यांना उमेदवारी देण्यात आली आहे. प्रभाग क्रमांक ३ मधून प्रकाश शंकरराव पाटील, किरण स्वप्निल तहसीलदार यांना संधी देण्यात आली आहे. प्रभाग क्रमांक ४ मध्ये स्वाती सचिन कांबळे, विशाल शिवाजी चव्हाण, दिपाली राजेश घाटगे आणि राजेश भरत लाटकर यांचा समावेश आहे. प्रभाग क्रमांक ५ मधून अर्जुन आनंद माने रिंगणात उतरले आहेत.

प्रभाग क्रमांक ६ मध्ये रजनिकांत जयसिंह सरनाईक, तनिष्का धनंजय सावंत आणि प्रतापसिंह दत्तात्रय जाधव यांना उमेदवारी देण्यात आली आहे. प्रभाग क्रमांक ७ मध्ये उमा शिवानंद बनछोडे, तर प्रभाग क्रमांक ८ मध्ये अक्षता अविनाश पाटील, ऋग्वेदा राहुल माने, प्रशांत उर्फ भैय्या महादेव खेडकर आणि इंद्रजित पंडितराव बोंद्रे यांचा समावेश आहे.

प्रभाग क्रमांक ९ मधून पल्लवी सोमनाथ बोळाईकर, विद्या सुनील देसाई आणि राहुल शिवाजीराव माने यांना संधी मिळाली आहे. प्रभाग क्रमांक १० मध्ये दिपा दिलीपराव मगदूम, तर प्रभाग क्रमांक ११ मधून जयश्री सचिन चव्हा उमेदवार असतील.

प्रभाग क्रमांक १२ मध्ये रियाज अहमद सुभेदार, स्वालिया साहिल बागवान, अनुराधा अभिमन्यू मुळीक आणि ईश्वर शांतीलाल परमार यांना उमेदवारी देण्यात आली आहे. प्रभाग क्रमांक १३ मधून पूजा भुपाल शेटे आणि प्रविण हरिदास सोनवणे निवडणूक लढवणार आहेत. प्रभाग क्रमांक १४ मध्ये दिलशाद अब्दुलसत्तार मुल्ला, अमर प्रणव समर्थ आणि विनायक विलासराव फाळके यांचा समावेश आहे.

प्रभाग क्रमांक १५ मध्ये आश्विनी अनिल कदम आणि संजय वसंतराव मोहिते, तर प्रभाग क्रमांक १६ मध्ये उमेश देवाप्पा पोवार आणि उत्तम उर्फ भैय्या वसंतराव शेटके उमेदवार असतील. प्रभाग क्रमांक १७ मध्ये अर्चना संदीप बिरांजे, शुभांगी शशिकांत पाटील आणि प्रविण लक्ष्मणराव केसरकर यांना संधी देण्यात आली आहे.

प्रभाग क्रमांक १८ मधून अरुणा विशाल गवळी, भुपाल महिपती शेटे आणि सर्जेराव शामराव साळुंखे निवडणूक लढवतील. प्रभाग क्रमांक १९ मध्ये दुर्वास परशुराम कदम, सुषमा संतोष जरग आणि मधुकर बापू रामाणे यांचा समावेश आहे. प्रभाग क्रमांक २० मधून जयश्री धनाजी कांबळे, उत्कर्षा आकाश शिंदे, धिरज भिवा पाटील, मयुरी इंद्रजित बोंद्रे आणि राजू आनंदराव दिंडोर्ले (पुरस्कृत) यांना उमेदवारी देण्यात आली आहे.

दरम्यान, मुंबई महानगरपालिका निवडणुकीसाठी जागावाटपाच्या पार्श्वभूमीवर रंगशारदा येथे भाजप आणि शिवसेनेची महत्त्वाची बैठक पार पडली. या बैठकीत दोन्ही पक्षांमध्ये २०० जागांवर एकमत झाले असून उर्वरित २७ जागांवर विरोधकांचे उमेदवार कोण असतील, यानुसार महायुती आपले उमेदवार ठरवणार असल्याची माहिती देण्यात आली आहे.

एकीकडे काँग्रेसने कोल्हापूरमधून पहिली उमेदवारी यादी जाहीर करत निवडणुकीची तयारी दाखवून दिली असताना, दुसरीकडे मुंबईत महायुतीचे जागावाटप अंतिम टप्प्यात असल्याचे चित्र स्पष्ट होत आहे. त्यामुळे येत्या काळात राज्यातील महानगरपालिका निवडणुकांचे राजकीय वातावरण अधिक तापण्याची शक्यता आहे.

Image Courtesy:

02 Jan 2026

BMC Elections

महानगरपालिका निवडणूक : काँग्रेसची पहिली उमेदवारी यादी जाहीर, ४८ जणांना तिकीट; संपूर्ण यादी वाचा

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates