मुंबई मनपा निवडणूक: भाजपची रणनीती मुंबईत फसणार? शिंदेंना पुढे करून, पण ताकद उद्धव ठाकरेंचीच? पाहा, आकडे काय सांगतात!

Mumbai BMC Elections: मुंबई महानगरपालिका निवडणुकीच्या पार्श्वभूमीवर राज्यातील राजकारणात नव्या घडामोडी घडताना दिसत आहेत. एकनाथ शिंदे यांच्या नेतृत्वातील शिवसेना आणि भाजप यांच्यातील मतभेद दिवसेंदिवस गहिरावत आहेत, तर दुसरीकडे उद्धव ठाकरे आणि देवेंद्र फडणवीस यांच्यातील संवाद अधिक दृढ होत असल्याचे चित्र समोर येत आहे. भारतातील सर्वात संपन्न महापालिका असलेली बीएमसी जिंकणे ही प्रत्येक पक्षासाठी प्रतिष्ठेची बाब मानली जाते. अशा परिस्थितीत यंदाच्या निवडणुकीत कोण बाजी मारणार, हे पाहणे औत्सुक्याचे ठरणार आहे. भाजपसाठी उद्धव ठाकरे यांच्यासोबत युती करणे हा एक संभाव्य पर्याय ठरू शकतो का? तसेच एकनाथ शिंदेंचा मुंबईतील प्रभाव कितपत निर्णायक ठरतो, हेही समजून घेण्यासारखे आहे.