"मुंबई महापालिकेवर महायुतीचं वर्चस्व निश्चित – ठाकरे बंधूंच्या संभाव्य एकतेवर मुख्यमंत्र्यांचा करारा प्रतिवाद!"

 

फडणवीस म्हणाले, “ठाकरे बंधू एकत्र येणार का? हे प्रश्न मला वारंवार विचारले जात आहेत. पण त्यांच्या मनात काय सुरू आहे, हे तेच सांगू शकतात. मला ते माहीत नाही. मात्र, अनेकदा राजकीय अडचणी आणि विवशता मुळे नेते एकत्र येतात. मला वाटतं ही देखील तशीच वेळ आहे. त्यांची एकजूट ही राजकीय असहायतेमुळे झाली आहे.” परंतु मी एवढे सांगू शकतो की, आपल्याकडे हा एपिसोड रेकॉर्डेड असेल. मुंबई महापालिका निवडणुकीनंतर हा एपिसोड दाखवा ते पुढे म्हणाले की, प्रसारमाध्यमांतील अनेक प्रतिनिधी ठाकरे बंधू एकत्र आले तर असे दाखवतायत जसे काही आम्हीच त्यांना वेगळे केले होते. परंतु आमची त्यात कोणतीही भूमिका नव्हती. त्यांचे आपापसात भांडण होते. उद्धव ठाकरेंनी राज ठाकरेंना शिवसेनेतून बाहेर काढले होते. आता दोन्ही एकत्र आले तर ते मला त्याचे श्रेय देत आहेत. तर मी ते श्रेय घेऊ इच्छित आहे. मी त्यासाठी खूप आनंदी आहे, असेही ते म्हणाले.

 

दरम्यान, राज ठाकरे यांनी नुकतीच भाजप खासदार निशिकांत दुबे यांच्यावर टीका केली होती. त्यावरही फडणवीस यांनी आपली प्रतिक्रिया दिली. “मी त्यांचं पूर्ण भाषण ऐकलं नाही, पण त्यांनी बोललेलं चुकीचं होतं. आज आपण कुठल्या दिशेने चाललो आहोत? इतकी संकुचित विचारसरणी कशासाठी? आपली संस्कृती, आपला इतिहास याबद्दल आपण विसरत चाललो आहोत,” असं ते म्हणाले. ते पुढे म्हणाले की, “मराठ्यांनी फक्त महाराष्ट्रापुरती लढाई लढली नाही. त्यांनी संपूर्ण देशात हिंदवी स्वराज्याची स्थापना केली. पानिपतची लढाई मराठ्यांनी लढली. त्यामुळे आपण मर्यादित विचार न करता व्यापक दृष्टिकोन बाळगायला हवा.”

 

या संपूर्ण संवादातून फडणवीस यांनी स्पष्ट केलं की, ठाकरे बंधू एकत्र आले तरी महापालिकेचा किल्ला महायुतीच जिंकेल, असा त्यांचा ठाम विश्वास आहे. शिवाय, त्यांच्या वक्तव्यातून राजकीय रणनीतीचा आत्मविश्वास, आणि विरोधकांच्या युतीकडे पाहण्याचा दृष्टिकोन सहजपणे दिसून येतो.