Mumbai BEST Election: ठाकरे गटाला धक्का! बेस्ट पतसंस्थेच्या पराभवामागची 5 मोठी कारणे उघड

या पतपेढीच्या निवडणुकीचा इतिहास पाहिला तर २००६ पूर्वी सत्ता शिवसेनेच्या ताब्यात होती. मात्र, दिवंगत कामगार नेते शरद राव यांच्या वर्कर्स युनियनने २००६ मध्ये सत्ता काबीज केली. त्यानंतर पुन्हा शिवसेनेने आपलं वर्चस्व प्रस्थापित केलं. प्रत्यक्षात या पतपेढीतील सत्ता संघर्ष हा शिवसेना आणि शरद राव यांच्या युनियनदरम्यान सातत्याने होत आला आहे. याच पार्श्वभूमीवर, उद्धव ठाकरे आणि राज ठाकरे यांच्या संभाव्य राजकीय युतीवर चर्चा रंगत असतानाच, ठाकरे गटाने मनसेच्या कामगार संघटनेशी हातमिळवणी करून बेस्ट पतपेढीची निवडणूक लढवली. या पॅनेलमुळे 'ठाकरे ब्रँड'ची हवा निर्माण झाली होती. मात्र, निकालांवरून दिसून आले की या ब्रँडिंगचा काही विशेष परिणाम झाला नाही.

 

बेस्ट कामगारांमध्ये बेस्ट कामगार सेनेबद्दल मोठी नाराजी होती. पतसंस्थेत भ्रष्टाचाराचे आरोप, प्रशासनातील तक्रारी आणि पारदर्शकतेचा अभाव यामुळे कर्मचाऱ्यांमध्ये असंतोष निर्माण झाला. या नाराजीचा उद्रेक मतदानातून दिसून आला.