महापालिका निवडणुकीसाठी अखेर महायुतीचा निर्णय स्पष्ट! मात्र अजून काही मुद्दे प्रलंबित; शिंदेंसोबतच्या बैठकीनंतर रविंद्र चव्हाणांची मोठी प्रतिक्रिया समोर आली

अलीकडेच नगर परिषदेच्या प्रचारामध्ये भाजप आणि शिवसेना (शिंदे गट) अनेक ठिकाणी एकमेकांच्या विरोधात उभे राहिले होते. त्यामुळे महायुतीमध्ये तणाव असल्याच्या चर्चा अधिकच गडद झाल्या होत्या. शिवाय, भाजप, शिंदे गट आणि अजित पवारांच्या गटातील कार्यकर्त्यांनी एकमेकांच्या पक्षात प्रवेश करत परिस्थिती आणखी गुंतागुंतीची केली. ठाणे, कल्याण-डोंबिवली, उल्हासनगर अशा महत्त्वाच्या शहरांमध्ये परस्परांच्या पक्षात जाण्याच्या हालचाली सुरू होत्या. नेत्यांमध्ये एकमेकांवर थेट टीका-प्रत्यटीका होत असल्याने महापालिका निवडणुकीत महायुती एकत्र राहील की वेगवेगळे रिंगणात उतरेल, याबद्दल मोठी चर्चा होती.