Maharashtra Politics : निवडणुकीपूर्वी भाजपचा मास्टरस्ट्रोक, एका निर्णयाने शिंदे गट व अजित पवारांची अडचण वाढली?

by Webdesk
16 Sep 2025

निवडणुकीच्या पार्श्वभूमीवर सहपालकमंत्र्यांना अधिकार, महायुतीत नवा राजकीय पेच?

मुंबई : राज्यातील आगामी स्थानिक स्वराज्य संस्थांच्या निवडणुकांचे पडघम लवकरच वाजणार असून, सर्वच राजकीय पक्षांनी आपापल्या तयारीला सुरुवात केली आहे. महायुतीत एकत्रित लढायचे की स्वबळावर, याची चाचपणी सुरू असतानाच एकमेकांवर कुरघोडीचे आरोप होऊ लागले आहेत. प्रभाग रचना जाहीर झाल्यानंतर हे आरोप अधिक तीव्र झाले. याच दरम्यान सरकारने घेतलेल्या एका महत्त्वपूर्ण निर्णयामुळे सगळ्यांचे लक्ष वेधले गेले असून, त्याच्या ‘टायमिंग’वरही मोठ्या प्रमाणावर चर्चा रंगू लागली आहे.

सुमारे आठ महिन्यांपासून प्रलंबित असलेला सहपालकमंत्र्यांच्या अधिकारांचा प्रश्न अखेर मार्गी लागला आहे. मुंबई उपनगर, कोल्हापूर आणि बुलढाणा या तीन जिल्ह्यांमध्ये नियुक्त सहपालकमंत्र्यांच्या अधिकारांबाबतचा गोंधळ काही दिवसांपूर्वी राज्य सरकारने जारी केलेल्या आदेशाने स्पष्ट झाला आहे.

आठ महिन्यांनंतर अखेर निर्णय

मुख्यमंत्री देवेंद्र फडणवीस यांनी यावर्षी जानेवारी महिन्यात काही महत्त्वाच्या सहपालकमंत्र्यांची नियुक्ती केली होती. मुंबई उपनगरात मंगलप्रभात लोढा, कोल्हापूरमध्ये माधुरी मिसाळ, तर काही दिवसांपूर्वी बुलढाण्यात संजय सावकारे यांची सहपालकमंत्री म्हणून नेमणूक झाली होती. मात्र या मंत्र्यांची नावे जाहीर झाल्यानंतरही त्यांच्या जबाबदाऱ्या नेमक्या काय, याबाबत सरकार दरबारी स्पष्टता नव्हती. परिणामी नियुक्ती असूनही त्यांची भूमिका मर्यादित राहिली होती. अखेर सरकारने घेतलेल्या निर्णयामुळे या सहपालकमंत्र्यांच्या जबाबदाऱ्यांना औपचारिक स्वरूप मिळाले आहे.

नवे आदेश काय सांगतात?

सामान्य प्रशासन विभागाने जारी केलेल्या नव्या आदेशानुसार सहपालकमंत्र्यांना आता त्यांच्या जिल्ह्याशी संबंधित प्रकरणांवर मुख्यमंत्री आणि पालकमंत्र्यांनी सोपवलेली कामे पाहावी लागणार आहेत. त्याचबरोबर त्या जिल्ह्यातील नागरिकांच्या तक्रारी ऐकून त्यांचे त्वरित निवारण करण्याची जबाबदारीही सहपालकमंत्र्यांवर टाकण्यात आली आहे. म्हणजेच जिल्ह्यातील प्रशासनिक आणि जनतेशी निगडित महत्त्वाच्या विषयांमध्ये सहपालकमंत्री आता सक्रिय भूमिका बजावतील.

Image Courtesy:

02 Jan 2026

BMC Elections

Maharashtra Politics : निवडणुकीपूर्वी भाजपचा मास्टरस्ट्रोक, एका निर्णयाने शिंदे गट व अजित पवारांची अडचण वाढली?

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates