Local Body Election Vote Counting: हायकोर्टाचा धक्कादायक निर्णय! उद्याची मतमोजणी स्थगित, निवडणूक आयोगाकडून मोठा खुलासा

दोन दिवसांपूर्वीच राज्यातील काही नगर परिषद आणि नगर पंचायतांच्या निवडणुका पुढे ढकलण्यात आल्या होत्या. याच पार्श्वभूमीवर अनेक याचिका न्यायालयात दाखल झाल्या होत्या आणि न्यायालयीन प्रक्रियेत निवडणुकीचे अनेक मुद्दे निकाली न लागल्याचे समोर आले. निवडणूक जाहीर झाल्यापासून मतदारयादीतील गोंधळ, प्रभाग रचनेतील बदल, आरक्षणासंबंधी वाद आणि तांत्रिक त्रुटी अशा अनेक प्रकारच्या तक्रारी आल्या होत्या. त्यामुळे राज्यातील विविध ठिकाणी कायदेशीर लढाया सुरू झाल्या आणि मुंबई उच्च न्यायालयाच्या खंडपीठांमध्ये अनेक अर्ज दाखल झाले. काही शहरांमध्ये २० डिसेंबर रोजी मतदान होणार असल्याने जर उद्या मतमोजणी झाली तर त्या मतदान प्रक्रियेवर निवडणूक परिणामांचा प्रभाव पडू शकतो, असा युक्तिवाद याचिकाकर्त्यांकडून करण्यात आला. हाच मुद्दा मान्य करत न्यायालयाने राज्यातील सर्व महानगरपालिका, नगर परिषदा व नगर पंचायतींना लागू होईल असे एकसमान दिशानिर्देश देत मतमोजणी एकाच दिवशी म्हणजे २१ डिसेंबर रोजी घेण्याचा आदेश दिला.