Inside Story: एका बैठकीत अमित शाहांनी संपूर्ण समीकरण बदललं, शिंदेंशी पुन्हा जवळीक वाढवली; रवींद्र चव्हाणांना दिला महत्त्वाचा आदेश

गेल्या काही दिवसांपासून भाजप आणि शिंदे गटात तणावाचे वातावरण होते. नगर परिषद निवडणुकांमध्ये दोन्ही पक्षांनी अनेक ठिकाणी स्वतंत्र उमेदवार उभे केल्यामुळे एकमेकांवर आरोप-प्रत्यारोप सुरू झाले होते. हा सगळा प्रकार एकनाथ शिंदे यांनी थेट अमित शाह यांच्या निदर्शनास आणून दिला होता. त्यानंतरच अमित शाह यांनी दोन दिवसांपूर्वी रवींद्र चव्हाण यांना दिल्लीला बोलावून घेतले. या भेटीत दोघांमध्ये बंद दाराआड तासभराहून अधिक काळ चर्चा झाली आणि याच चर्चेतून महायुतीबाबतचा संपूर्ण खेळ बदलल्याची माहिती सूत्रांकडून मिळते.