निवडणूक आयोगाचा मोठा खुलासा! राहुल गांधींच्या व्होट चोरीच्या दाव्यांना प्रत्युत्तर देत ५ कारणांसह स्पष्ट केली आपली भूमिका

पत्रकार परिषदेत राहुल गांधींनी सांगितले की, निवडणुकीदरम्यान काँग्रेसला ज्या बूथवर मोठ्या प्रमाणात मते मिळाली होती, त्या ठिकाणाहूनच मतदारांची नावे वगळली गेली. त्यांच्या म्हणण्यानुसार, हा प्रकार केवळ कर्नाटकापुरता मर्यादित नाही. उत्तर प्रदेश, हरियाणा आणि महाराष्ट्रातदेखील असे प्रकार घडले आहेत. विशेषत: महाराष्ट्रातील राजुरा मतदारसंघात तब्बल 6850 बोगस मतदार घुसवण्यात आल्याचा त्यांनी गंभीर आरोप केला. या सर्व प्रकारामागे सत्ताधारी पक्षाचा हात असल्याचे संकेत राहुल गांधींनी दिले.

 

राहुल गांधींनी स्पष्ट शब्दांत सांगितले की, निवडणूक आयोगाचे काही अधिकारी किंवा प्रणालीतील काही घटक लोकशाहीविरोधी शक्तींना थेट मदत करत आहेत. यामुळे भारतीय निवडणूक व्यवस्थेवरील विश्वास ढासळत आहे. त्यांनी आयोगाला प्रश्न विचारला की, "मतदारांची नावे इतक्या सहजतेने का वगळली जात आहेत? या सर्व कारवायांमागे कोण जबाबदार आहे?"