शिवसेना-मनसे युतीची चर्चा रंगतेय! काँग्रेस नेत्याचे मोठं वक्तव्य – “मुंबई महापौरपदाबाबत…”

पत्रकार परिषदेत अस्लम शेख यांनी शिवसेना आणि मनसेसोबत युती होण्याच्या चर्चेवरही भाष्य केले. त्यांनी सांगितले की, “काँग्रेसच्या अनेक स्थानिक कार्यकर्त्यांची इच्छा आहे की आगामी निवडणुका आम्ही स्वबळावर लढवाव्यात. मात्र, शिवसेना किंवा मनसेसोबत युती करायची की नाही, याचा अंतिम निर्णय आमचे वरिष्ठ नेते, म्हणजेच काँग्रेस हायकमांड घेतील.” यानंतर त्यांनी निवडणूक आयोगावरही जोरदार हल्ला चढवला. मतदार याद्यांमधील गंभीर चुका आणि डुप्लिकेट नावे यावर त्यांनी निवडणूक आयोगाला जबाबदार धरले. “राहुल गांधी आणि मी सुरुवातीपासून सांगत आलोय की मतदार याद्या चुकीच्या आहेत. मालाडमध्ये तब्बल १७ हजार डुप्लिकेट नावे सापडल्याचे भाजप नेते आशिष शेलार यांनीही मान्य केले आहे. मग प्रश्न असा आहे की, इलेक्शन कमिशन झोपले आहे का?” असा थेट प्रश्न त्यांनी उपस्थित केला.