"महायुतीत भगदाड? अजित पवार बाहेर पडणार का? मोठ्या नेत्याचं स्पष्ट विधान –

महाराष्ट्रातील राजकीय वातावरण सध्या स्थानिक स्वराज्य संस्थांच्या निवडणुकीमुळे तापलेले आहे. राज्यभरातील विविध महानगरपालिका, नगरपालिका आणि पंचायत समित्यांमध्ये सत्ता मिळवण्यासाठी सत्ताधारी महायुतीसोबतच महाविकास आघाडीचे सर्वच घटक पक्ष मैदानात उतरले आहेत. पक्षनिहाय मोर्चेबांधणीला वेग आला असून प्रत्येक पक्ष आपल्या ताकदीवर अधिकाधिक जागा मिळवण्यासाठी रणनीती आखत आहे. या पार्श्वभूमीवर अजित पवार गटाने स्थानिक स्वराज्य संस्थांच्या निवडणुका स्वबळावर लढवण्याचा संकेत दिला आहे. या बाबतचं ठोस मत व्यक्त करत खासदार आणि अजित पवार गटाचे वरिष्ठ नेते प्रफुल्ल पटेल यांनी कार्यकर्त्यांना सज्ज होण्याचे आवाहन केले आहे.