ब्रेकिंग अपडेट! महापालिका मतदार यादीतील धांदल उघड – निवडणूक आयोगाचे मोठे पाऊल, वेगळं वेळापत्रक जाहीर होणार

राज्य निवडणूक आयोगाने राज्यातील सर्व महानगरपालिका आयुक्तांना पत्र पाठवत मतदार यादीशी संबंधित अद्ययावत कार्यक्रम पाठवला आहे. यापूर्वी हरकती स्वीकृतीची शेवटची तारीख 27 नोव्हेंबर निश्चित करण्यात आली होती. मात्र आता ही मुदत वाढवण्यात आली असून मतदार याद्यांवर हरकती व सूचना नोंदवण्यासाठी 3 डिसेंबर 2025 पर्यंत वेळ देण्यात आली आहे. महापालिका निवडणुकीकरिता प्रभागनिहाय मतदार याद्यांचे विभाजन महानगरपालिका आयुक्त पातळीवर करण्यात आले आहे. जर या प्रक्रियेवर कोणाच्या हरकती, सूचना किंवा तक्रारी असतील, तर त्या आयोगाने विचारात घेऊन सुधारणा करण्याचा निर्णय घेतला आहे आणि तद्नुसार सुधारीत वेळापत्रक प्रकाशित केले आहे. त्यामुळे आता 3 डिसेंबरपर्यंत संबंधित महानगरपालिकांमध्ये हरकती नोंदवण्याचे आवाहन राज्य निवडणूक आयोगाने केले आहे.