BMC निवडणूक: ठाकरे बंधूंच्या संभाव्य युतीने महायुतीचे समीकरण ढासळणार? मुंबईत किती जागांवर बसू शकतो फटका

सूत्रांच्या माहितीनुसार, ठाकरे बंधूंच्या संभाव्य युतीमुळे महायुतीला ज्या ६० ते ८० जागांवर नुकसान होऊ शकते, त्या जागा कोणत्याही परिस्थितीत गमावू नयेत, यासाठी विशेष रणनीती आखण्यात येत आहे. या जागांवर स्थानिक समीकरणे, उमेदवारांची लोकप्रियता आणि मागील निवडणुकांचे आकडे तपासूनच निर्णय घेतले जात आहेत. काही जागांवर शिवसेना शिंदे गट ठाम भूमिका घेत असला, तरी त्या ठिकाणी विजयाची शक्यता कमी असल्याचा भाजपचा अंदाज आहे. यासंबंधीची सविस्तर आकडेवारी दोन्ही पक्षांनी एकमेकांसमोर मांडल्याची माहितीही समोर आली आहे.