BMC Elections : उद्धव ठाकरेंच्या बालेकिल्ल्यावर शिंदे गटाची आक्रमक घोडदौड, निवडणुकीआधीच सत्ता समीकरणं बदलणार?

by Webdesk
01 Aug 2025

मुंबई : राज्यात होणाऱ्या आगामी स्थानिक स्वराज्य संस्थांच्या निवडणुकांसाठी सर्वच प्रमुख राजकीय पक्षांनी जोरदार तयारीला सुरुवात केली आहे. या निवडणुकांमध्ये सर्वाधिक लक्ष वेधून घेणारी निवडणूक म्हणजे मुंबई महानगरपालिकेची निवडणूक. या निवडणुकीत माजी मुख्यमंत्री उद्धव ठाकरे यांच्या नेतृत्वाखालील शिवसेनेला टक्कर देण्यासाठी भाजप आणि उपमुख्यमंत्री एकनाथ शिंदे यांच्या नेतृत्वाखालील शिवसेना (शिंदे गट) यांनी जोरदार मोर्चेबांधणी सुरू केली आहे. मुंबईतही आपली उपस्थिती ठासून मांडण्याचा प्रयत्न शिंदे गटाकडून केला जात आहे. ठाकरेंची ताकद कमी झाल्याचे भासत असल्याचे दाखवण्यासाठी शिंदे गटाकडून प्रयत्न सुरू असून, त्यांनी आता ठाण्याच्या पलिकडे जाऊन मुंबईवर लक्ष केंद्रीत केलं आहे. टप्प्याटप्प्याने मुंबईत विविध स्तरांवर कार्यक्रमांचे आयोजन करण्यात येत असल्याचे बोलले जात आहे.

मुंबई महापालिकेच्या पार्श्वभूमीवर सुरू असलेली राजकीय हालचाल

या निवडणुकीच्या पार्श्वभूमीवर एकनाथ शिंदे यांच्या नेतृत्वाखालील शिवसेनेने जोरदार तयारी केली आहे. मागील तीन वर्षांत काँग्रेस, राष्ट्रवादी, मनसे, समाजवादी पक्ष आदी विविध पक्षांतून तब्बल 123 माजी नगरसेवकांनी शिंदे गटात प्रवेश केला आहे. या प्रवेशामध्ये भाजपमधील कोणीही नाही, याची नोंद घ्यावी लागेल.

मुंबईवर विशेष लक्ष केंद्रित

शिवसेनेतील बंडखोरीनंतर एकनाथ शिंदेंनी केवळ ठाण्यावर मर्यादित न राहता मुंबईच्या दिशेनेही लक्ष वळवलं आहे. मुंबईतील काही आमदारांनी बंडखोरीच्या वेळी शिंदे यांना साथ दिली होती. त्यानंतर त्यांनी नगरसेवकांशी संपर्क वाढवण्यास सुरुवात केली. सुरुवातीला केवळ उद्धव ठाकरे गटातील नगरसेवकांनी प्रवेश केला असला तरी नंतर इतर पक्षातील नगरसेवकांनीही शिंदे गटात सामील होण्यास सुरुवात केली. मुंबई महापालिकेची निवडणूक कधीही जाहीर होऊ शकते, मात्र शिंदे गटाने आतापासूनच 227 प्रभागांसाठी उमेदवारांची निवड व निवडणूक तयारी सुरू केल्याची माहिती मिळाली आहे.

ठाकरे गटातील सर्वाधिक नगरसेवकांचे प्रवेश

शिंदे गटाच्या माहितीनुसार, 123 माजी नगरसेवकांपैकी 76 नगरसेवक हे उद्धव ठाकरे यांच्या शिवसेनेतील आहेत. 2002 ते 2017 या कार्यकाळातील हे नगरसेवक असून, 2017 ते 2022 या कालावधीत सर्वाधिक 44 नगरसेवकांनी शिंदे गटात प्रवेश केला आहे. त्याखालोखाल 2012 ते 2017 या कालखंडातील 33 नगरसेवकांनीही गटात प्रवेश केला आहे. दर पंधरा दिवसांनी नवे प्रवेश होत असून, निवडणुकीपूर्वी आणखी माजी नगरसेवक सामील होणार असल्याचा दावा शिंदे गटाकडून करण्यात आला आहे.

भाजपवर दबाव निर्माण करण्याची रणनीती?

शिवसेना (शिंदे गट) अधिकाधिक जागांवर उमेदवारी मिळवण्यासाठी भाजपवर दबाव टाकण्याच्या रणनीतीवर काम करत आहे. भाजप सुमारे 150 किंवा त्याहून अधिक जागांवर निवडणूक लढवण्याच्या तयारीत आहे. या परिस्थितीत शिंदे गटाला किती जागा मिळणार, याबाबत राजकीय वर्तुळात मोठी चर्चा सुरू झाली आहे.

Image Courtesy:

02 Jan 2026

BMC Elections

BMC Elections : उद्धव ठाकरेंच्या बालेकिल्ल्यावर शिंदे गटाची आक्रमक घोडदौड, निवडणुकीआधीच सत्ता समीकरणं बदलणार?

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates