BMC Election : महापालिका निवडणुकांची रंगत वाढली! बिगुल कधी वाजणार? मतदानाच्या तारखांवर आली महत्वाची नवी माहिती

राज्य विधिमंडळाचे हिवाळी अधिवेशन १४ डिसेंबर रोजी संपणार आहे. या अधिवेशनाची सांगता होताच, जवळपास सात ते आठ वर्षे प्रलंबित असलेल्या महापालिका निवडणुकांची घोषणा १५ डिसेंबरनंतर कधीही होऊ शकते, अशी विश्वसनीय माहिती मिळत आहे. जाहीरात होताच आचारसंहिता लागू होईल आणि निवडणूक प्रक्रिया वेगाने पुढे सरकेल, हे जवळपास निश्चित आहे. विशेष म्हणजे, १५ डिसेंबर रोजी राज्यातील शंभरहून अधिक मोठ्या प्रकल्पांचे भूमिपूजन आणि लोकार्पण होणार असल्याने, निवडणूक आयोग १५ नंतर लगेचच निवडणूक कार्यक्रम जाहीर करेल, असा अंदाज बळकट होत चालला आहे. कारण मोठ्या कामांचे उद्घाटन पार पडल्यानंतर आचारसंहिता लागू करणे आयोगासाठी अधिक सोयीचे ठरणार आहे.