BMC Election: ठाकरे बंधूंची युती निश्चित? जागावाटपावर अंतिम चर्चा, BMC साठी कोणाला किती जागा मिळणार याची माहिती समोर

मनसेच्या वाट्याला सुमारे ७५ ते ८० प्रभाग येण्याची शक्यता आहे. २०१७ मध्ये मनसेचे सात नगरसेवक निवडून आले होते, त्या प्रभागांवर मनसेचा हक्क कायम राहण्याची शक्यता आहे. याशिवाय मागील निवडणुकीत ठाकरे गटाने जिंकलेले काही प्रभाग मनसेकडून मागितले जाऊ शकतात. माहीम, शिवडी, वरळी, भांडुप आणि विक्रोळी विधानसभा मतदारसंघांतील काही प्रभागांवर मनसेचा विशेष दावा असल्याचे समजते. त्यामुळे या भागांमध्ये जागावाटप करताना ठाकरे गट आणि मनसेमध्ये तणाव निर्माण होण्याची शक्यता नाकारता येत नाही. मात्र, एकत्र निवडणूक लढवण्याचा निर्णय झाल्यामुळे दोन्ही पक्ष काही प्रमाणात तडजोड करण्यास तयार असल्याचे चित्र आहे.