BMC Election: मुंबई महापालिका निवडणुकीसाठी समाजवादी पार्टीची पहिली यादी जाहीर, 21 जागांवरील उमेदवारांची संपूर्ण माहिती

BMC Election मुंबई महापालिका निवडणुकीच्या पार्श्वभूमीवर शहरातील राजकीय हालचालींना वेग आला आहे. ठाकरे बंधूंनी आपली युती अधिकृतपणे जाहीर केल्यानंतर राजकीय समीकरणांमध्ये मोठा बदल झाला आहे. दुसरीकडे, महायुतीतील घटक पक्षांमध्येही जागावाटपाचा आराखडा जवळपास निश्चित झाल्याची चर्चा आहे. मात्र, या दोन्ही प्रमुख आघाड्यांकडून अद्याप अधिकृत उमेदवार याद्या जाहीर करण्यात आलेल्या नाहीत. अशा परिस्थितीत अखिलेश यादव यांच्या नेतृत्वाखालील समाजवादी पार्टीने (SP) मुंबई महानगरपालिका निवडणुकीसाठी पहिली उमेदवार यादी जाहीर करून राजकीय रणधुमाळीत आघाडी घेतली आहे.

 

समाजवादी पार्टीने जाहीर केलेल्या या पहिल्या यादीत एकूण 21 उमेदवारांच्या नावांचा समावेश आहे. विविध प्रभागांमध्ये पक्षाने आपले उमेदवार निश्चित करत निवडणूक लढवण्याची तयारी दर्शवली आहे. या यादीमुळे मुंबईच्या राजकारणात समाजवादी पार्टीची उपस्थिती अधिक ठळकपणे समोर येत असल्याचे चित्र आहे.

 

मुंबई महापालिका निवडणुकीचे वेळापत्रक

आशियातील सर्वात श्रीमंत महानगरपालिका म्हणून ओळख असलेल्या बृहन्मुंबई महानगरपालिकेची (BMC) निवडणूक अधिकृतपणे जाहीर झाली आहे. मुंबईसह राज्यातील इतर महापालिकांसाठी 15 जानेवारी 2026 रोजी मतदान पार पडणार असून, 16 जानेवारी 2026 रोजी मतमोजणी केली जाणार आहे.

मुंबई महानगरपालिकेच्या निवडणुकीत एकूण 227 प्रभागांमध्ये मतदान होणार आहे. मुंबई महापालिकेचा कार्यकाळ 7 मार्च 2022 रोजी संपुष्टात आला होता. त्यानंतर महापालिकेची प्रशासकीय जबाबदारी प्रशासकांकडे सोपवण्यात आली आहे. गेल्या काही वर्षांपासून लोकप्रतिनिधींशिवाय महापालिकेचा कारभार सुरू आहे.

 

राजकीय वातावरण तापले

ठाकरे बंधूंची युती, महायुतीतील हालचाली आणि आता समाजवादी पार्टीने जाहीर केलेली उमेदवार यादी यामुळे मुंबई महापालिका निवडणूक अधिक चुरशीची होण्याची चिन्हे आहेत. उर्वरित प्रमुख पक्ष कधी आपल्या उमेदवार याद्या जाहीर करतात, याकडे आता सर्वांचे लक्ष लागले आहे. समाजवादी पार्टीच्या या पहिल्या यादीमुळे मुंबईतील राजकीय रणांगणात नवी समीकरणे आकाराला येण्याची शक्यता वर्तवली जात आहे.