BJP चा ‘ऑपरेशन इनकमिंग’ सुरूच! नेत्याचा सायलेंट प्रवेशसोहळा पूर्ण, शिवसेना शिंदे गटाची चिंता वाढली

राज्यात स्थानिक स्वराज्य संस्थांच्या निवडणुकीची धामधूम सुरू असून, राजकीय पक्षांमध्ये मोठ्या हालचाली दिसून येत आहेत. या निवडणुकीच्या निमित्ताने भाजपात मोठ्या प्रमाणावर इनकमिंग वाढले असून, विविध पक्षांतील महत्त्वाचे नेते आणि पदाधिकारी भाजपात प्रवेश करत आहेत. विशेष म्हणजे महाविकास आघाडी, शिवसेना शिंदे गट आणि राष्ट्रवादी अजित पवार गट अशा तिन्ही गटांतील अनेक कार्यकर्ते आणि पदाधिकाऱ्यांनी भाजपाचा ध्यास घेतला आहे. परंतु या सर्व प्रवेशामध्ये सर्वाधिक फटका बसलेला शिवसेना शिंदे गटाला असल्याचे स्पष्टपणे दिसून येत आहे. त्यामुळे शिंदे गटाची नाराजी प्रकर्षाने समोर आली असून, यापूर्वी नाराजीच्या पार्श्वभूमीवर शिवसेना शिंदे गटातील मंत्र्यांनी मंत्रिमंडळ बैठकीवर बहिष्कार टाकून असंतोष व्यक्त केला होता. जरी हे नाराजीचे वेळोवेळी सूर उमटत असले तरीही भाजपात प्रवेशांची मालिका थांबलेली नाही, उलट या घडामोडींमुळे शिवसेना शिंदे गटाचे राजकीय समीकरण अधिकच बिघडताना दिसत आहे.