Bihar Election SIR Impact : SIR प्रभाव असलेल्या मतदारसंघांनी पालटली सत्तेची गणितं? विरोधकांना हादरवणारी आकडेवारी उघड

या विशेष पुनर्निरीक्षणादरम्यान राज्यातील जवळपास ४७ लाख मतदारांची नावे मतदार यादीतून हटवण्यात आली, अशी माहिती समोर आली होती. याशिवाय, ड्राफ्ट मतदार यादीत तब्बल ६५ लाखांहून अधिक मतदारांची नावे अनुपस्थित असल्याचेही लक्षात आले. या वगळण्यात आलेल्या मतदारांमध्ये मृत व्यक्ती, स्थलांतर केलेले नागरिक आणि दुहेरी नोंद असलेले मतदार यांचा समावेश असल्याचे निवडणूक आयोगाने सांगितले होते. परंतु अनेक जिल्ह्यांमध्ये मतदार वगळण्याचे प्रमाण ७.७ टक्क्यांपर्यंत वाढल्याचे दिसून आले. विशेषत: मुस्लिमबहुल सीमांचल पट्ट्यात मोठ्या प्रमाणात नावे हटवण्यात आल्याचा आरोप विरोधकांकडून करण्यात आला.