BEST निवडणूक निकाल : ठाकरे गटाबरोबर कर्मचाऱ्यांचा कौल, भाजप-महायुतीला धक्का; विजयी उमेदवारांची यादी जाहीर

by Webdesk
20 Aug 2025

मुंबई बेस्ट पतपेढी निवडणुकीचा निकाल : शशांक राव पॅनलची बाजी

मुंबई महानगरपालिकेच्या निवडणुकीआधीच बेस्ट कर्मचारी पतसंस्थेच्या निकालाकडे संपूर्ण मुंबईचे लक्ष लागले होते. मध्यरात्रीनंतर सुरू झालेल्या मतमोजणीनंतर अखेर निकाल जाहीर झाला. या निवडणुकीत ठाकरे गट आणि मनसे यांचा संयुक्त पॅनेल पराभूत झाला असून भाजपच्या समर्थनाने उभ्या केलेल्या पॅनेललाही धक्का बसला आहे. अखेर बेस्ट वर्कर्स युनियनचे नेते शशांक राव यांच्या पॅनेलने सर्वाधिक जागा जिंकत आपली ताकद दाखवून दिली आहे.

या निवडणुकीला विशेष महत्त्व होते. शिवसेना उद्धव बाळासाहेब ठाकरे गट आणि राज ठाकरे यांच्या मनसेने पहिल्यांदाच एकत्र येऊन एकाच पॅनेलखाली उमेदवार उभे केले होते. हे पाऊल त्यांनी भविष्यातील राजकारणाचा संदेश देण्यासाठी उचलले होते. दुसरीकडे, भाजप आमदार प्रसाद लाड, प्रवीण दरेकर, नितेश राणे तसेच शिंदे गटाचे किरण पावसकर यांनी एकत्र येऊन ‘सहकार समृद्धी पॅनेल’ तयार केले होते आणि निवडणुकीत उतरले होते. त्यामुळे ही लढत अत्यंत चुरशीची होईल, अशी चर्चा आधीपासूनच होती.

मतमोजणीच्या सुरुवातीच्या टप्प्यात ठाकरे गट-मनसे यांच्या ‘उत्कर्ष’ पॅनेलने आघाडी घेतली होती. मात्र, पुढील काही फेऱ्यांमध्ये चित्र पालटले. शेवटच्या दहा फेऱ्यांमध्ये शशांक राव यांच्या पॅनेलने निर्णायक आघाडी घेतली आणि विरोधकांना मागे टाकत विजय निश्चित केला. या विजयामुळे शिवसेना, मनसे तसेच प्रसाद लाड-प्रवीण दरेकर यांच्या ‘समृद्ध’ पॅनेलला मोठा धक्का बसला आहे. विशेष म्हणजे, मागील दोन टर्म सत्ता राखणाऱ्या ठाकरे गटाला यावेळी एकही जागा मिळवता आली नाही.

या विजयाने पुन्हा एकदा कामगार वर्गामध्ये शशांक राव यांचे वर्चस्व अधोरेखित झाले आहे. काही महिन्यांपूर्वीच त्यांनी भाजपमध्ये प्रवेश केला होता, परंतु या निवडणुकीत त्यांनी स्वतंत्र पॅनेल उभे केले आणि मोठा विजय मिळवला. निकालानंतर त्यांच्या समर्थकांमध्ये प्रचंड उत्साहाचे वातावरण निर्माण झाले.

या निवडणुकीत बेस्ट पतपेढीच्या संचालक मंडळाच्या 21 जागांसाठी लढत झाली होती. त्यापैकी शशांक राव यांच्या पॅनेलने तब्बल 14 जागा जिंकल्या, तर प्रसाद लाड यांच्या पॅनेलला 7 जागांवर समाधान मानावे लागले. ठाकरे गट आणि मनसेच्या संयुक्त पॅनेलला एकही जागा मिळाली नाही, ही बाब विशेष ठरली.

बेस्ट को-ऑपरेटिव्ह क्रेडिट सोसायटी लिमिटेड या पंचवार्षिक निवडणुकीचा निकाल

शशांक राव पॅनलचे विजयी उमेदवार - एकूण 14

1. आंबेकर मिलिंद शामराव

2. आंब्रे संजय तुकाराम

3. जाधव प्रकाश प्रताप

4. जाधव शिवाजी विठ्ठलराव

5. अम्मुंडकर शशिकांत शांताराम

6. खरमाटे शिवाजी विश्वनाथ

7. भिसे उज्वल मधुकर

8. धेंडे मधुसूदन विठ्ठल

9. कोरे नितीन गजानन

10. किरात संदीप अशोक

11. डोंगरे भाग्यश्री रतन (महिला राखीव)

12.धोंगडे प्रभाकर खंडू(अनुसूचित जाती/ जमाती)

13. चांगण किरण रावसाहेब (भटक्या विमुक्त जाती)

14. शिंदे दत्तात्रय बाबुराव (इतर मागासवर्गीय)

प्रसाद लाड यांच्या पॅनेलचे विजयी उमेदवार - एकूण 7

1 रामचंद्र बागवे

2 संतोष बेंद्रे

3 संतोष चतुर

4 राजेंद्र गोरे

5 विजयकुमार कानडे

6 रोहित केणी

7 रोहिणी बाईत (महिला राखीव मतदार संघ)

निकाल जाहीर झाल्यानंतर बेस्ट कर्मचारी पतसंस्थेच्या निवडणुकीने केवळ संघटनात्मक ताकद दाखवून दिली नाही तर आगामी महापालिका निवडणुकीसाठीही एक राजकीय संदेश दिला आहे. ठाकरे गट आणि मनसेच्या पराभवामुळे त्यांच्या कार्यकर्त्यांमध्ये नाराजी आहे, तर शशांक राव यांच्या विजयामुळे त्यांच्या पॅनेलला भविष्यातील निवडणुकांमध्येही बळ मिळेल, असे दिसत आहे.

एकंदरीत, मुंबई महापालिका निवडणुकीआधीच बेस्ट पतपेढीच्या या निकालाने राज्याच्या राजकीय समीकरणांना वेगळा रंग दिला आहे. आता आगामी काळात हे परिणाम स्थानिक स्वराज्य निवडणुकांमध्ये कसे उमटतील, याकडे सर्वांचे लक्ष लागले आहे.

Image Courtesy:

02 Jan 2026

BMC Elections

BEST निवडणूक निकाल : ठाकरे गटाबरोबर कर्मचाऱ्यांचा कौल, भाजप-महायुतीला धक्का; विजयी उमेदवारांची यादी जाहीर

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates