"BEST निवडणुकीचा निकाल जाहीर, शेलारांचा विजयी जल्लोष – 'मुंबई आमचीच!' BMC निवडणुकीसाठी थेट ठाकरे गटालाही टोला"

by Webdesk
20 Aug 2025

मुंबईतील बेस्ट पतसंस्थेच्या निवडणुकीचा निकाल आणि भाजपचा आक्रमक सूर

मुंबई : दि बेस्ट एम्प्लॉईज को-ऑपरेटिव्ह क्रेडिट सोसायटीच्या संचालक मंडळाच्या निवडणुकीत ठाकरे घराण्याला मोठा धक्का बसला आहे. उद्धव ठाकरे आणि राज ठाकरे यांच्या कामगार संघटनांना या निवडणुकीत मोठा पराभव पत्करावा लागला. जरी भाजप-शिंदे गटाच्या पॅनलला सत्ता मिळाली नसली तरी त्यांनी सात जागा जिंकून आपली ताकद दाखवून दिली आहे. या निकालानंतर भाजप नेत्यांनी ठाकरे बंधूंवर जोरदार हल्लाबोल करत मुंबई महापालिका निवडणुकीसाठी बिगुल वाजवला आहे.

या निवडणुकीत शशांक राव यांच्या बेस्ट वर्कर्स युनियनच्या पॅनलने 14 जागांवर विजय मिळवला. महायुती समर्थित ‘सहकार समृद्धी’ पॅनलने सात जागा जिंकल्या, तर ठाकरे गट आणि मनसेच्या पॅनलचा सपशेल पराभव झाला. या पराभवानंतर ठाकरे बंधूंच्या संघटनांना मोठा धक्का बसला असून भाजप आता आक्रमक भूमिकेत दिसत आहे.

भाजपचे मुंबई अध्यक्ष व राज्याचे मंत्री आशिष शेलार यांनी या निकालानंतर प्रतिक्रिया देताना म्हटले की, “बेस्ट पतपेढीच्या निवडणुकीचा निकाल हा मुंबईकरांचा भाजपकडे दिलेला शुभसंकेत आहे. या लढतीत कामगार आणि श्रमिकांचे मत आमच्याकडे आले आहे. कामगारांनी आम्हाला पाठिंबा दिला असून ‘पत’ आणि ‘पेढी’साठी लढणाऱ्यांच्या हातात फक्त भोपळाच ठेवला आहे.” शेलार यांनी स्पष्ट केले की, या निकालातून मुंबईकर आमच्या पाठीशी उभे आहेत हे पुन्हा सिद्ध झाले आहे.

शेलार पुढे म्हणाले की, “आमचा पक्ष म्हणून उमेदवारांचा पॅनल नव्हता, पण आमचे प्रसाद लाड आणि शशांक राव विजयी झाले. हे मोठे यश आहे आणि मुंबईकरांनी आम्हाला शुभसंकेत दिला आहे. याचा अर्थ आगामी महापालिका निवडणुकांमध्येही मुंबई आमच्याच बाजूने आहे.”

त्यांनी विरोधकांवर निशाणा साधत म्हटले की, “बॅलेट पेपरवर झालेल्या या निवडणुकीत आमचं यश हे महत्त्वाचं आहे. जे लोक सतत मतचोरीबद्दल बोलत होते, जे तथाकथित तज्ञ आणि प्रसिद्ध प्रवक्ते मोठमोठे दावे करत होते, ते आता उघडे पडले आहेत. या निकालाने त्यांचे दावे फोल ठरले आहेत.”

शेलार यांनी मुंबईवर दावा ठोकताना म्हटले, “मुंबईकर आमच्यासोबत आहेत. मुंबई ही आमचीच आहे आणि ही गोष्ट या निकालातून स्पष्ट झाली आहे. कामगार वर्ग, श्रमिक, आणि सामान्य मुंबईकर आमच्या पाठीशी उभे आहेत. हा पराभव ठाकरे बंधूंसाठी धक्का आहे, पण आमच्यासाठी आगामी लढतींसाठी मोठा उत्साहवर्धक संकेत आहे.”

बेस्ट पतपेढीच्या निकालामुळे राजकीय वातावरणात खळबळ माजली असून भाजपने ठाकरे गट आणि मनसेवर थेट आघात केला आहे. महापालिका निवडणुकीसाठी हा निकाल भाजपसाठी उर्जा देणारा ठरला आहे.

Image Courtesy:

02 Jan 2026

BMC Elections

"BEST निवडणुकीचा निकाल जाहीर, शेलारांचा विजयी जल्लोष – 'मुंबई आमचीच!' BMC निवडणुकीसाठी थेट ठाकरे गटालाही टोला"

Related News

BMC Election: किती उमेदवारांचे अर्ज वैध, किती बाद? मुंबई महापालिकेत अखेर कितीजण मैदानात?

मुंबईकरांसाठी मोठी घोषणा: १० रुपयांचा नाश्ता आणि महिलांना १५०० रुपये, ज्युनिअर ठाकरेंचा महामेगाप्लान उघड

BMC निवडणूक: ठाकरे बंधूंची 227 उमेदवारांची अंतिम यादी जाहीर! तुमच्या प्रभागातून कोण मैदानात? पाहा सविस्तर

Mumbai civic polls: NCP to approach State Election Commission, alleges bias favouring BJP–Shiv Sena candidates